Basartean.

Haizearen hotzak janztean,
euriaren hezetasunak biltzean,
bihotzaren danbor martxa,
hatsa,
ozenagoa da.

Basoaren atmosferak zamatzean,
aintzinetik daramaten bideetan,
benetako otsoen larrua,
ulua,
hurbilagoa da.

Ilunabarraren estaldurapean,
askatasunaren zabalean,
hontzen presentzia,
esentzia,
gizagaindikoa da.

Hitzek balio ez dutenean,
hondamenditik urruntasunean,
sugarren arteko bilkura,
arrenkura,
benetakoa da.

Garo artean igerian,
zuhaitzen bitarteko historian,
ezereza bihurtzen gara,
hara,
betierekoa da.

LP